ევროპის წამყვანი ქვეყნებიდან (საფრანგეთი,გერმანია,იტალია) შემოტანილი უმაღლესი ხარისხის მანქანა-დანადგარები, საშუალებას გვაძლევს გამოვუშვათ ისეთი სახის პროდუქცია, რომელიც თამამად გაუწევს მეტოქეობას უცხოეთიდან იმპორტირებულ, ნებისმიერი სახეობის საკონდიტრო ნაწარმს.

ნედლეულისა და მზა პროდუქციის ხარისხის კონტროლი ინტენსიურად მოწმდება უახლესი ტექნოლოგიის ლაბორატორიაში. სხვა, ასეთი მასშტაბის საკონდიტრო საწარმო საქართველოში არ არსებობს.

ფაბრიკაში, დღეისათვის, 75-ზე მეტი დასახელების ტკბილეულს ამზადებენ. ტექნოლოგები მუდმივად ზრუნავენ ასორტიმენტის განახლებასა და გამრავალფეროვნებაზე. კომპანიაში შეიქმნა თანამედროვე, მსოფლიო სტანდარტების შესაბამისი საამქრო, სადაც მოხდება სადღესასწაულო ტორტებისა და კრემიანი ნამცხვრების წარმოება.

აღსანიშნავია, რომ ქარხანა ყოველთვის ითვალისწინებს მომხმარებლის მოთხოვნებს. მაგალითად, მარხვის დროს კომპანია, ძირითადად, ორიენტირებულია სამარხვო პროდუქციის წარმოებაზე.

“ტკბილი ქვეყანა” აქტიურად თანამშრომლობს საკონდიტრო პროდუქციის მწარმოებელ უცხოურ კომპანიებთან. თანამედროვე საბაზრო მოთხოვნილებების უკეთ შესასწავლად და სხვა, ახალი ტექნოლოგიური მიღწევების ასათვისებლად, კომპანიის თანამშრომლები მუდმივად ესწრებიან სპეციალურ საერთასორისო გამოფენებს, მონაწილეობენ სხვადასხვა სემინარებსა და კონფერენციებზე.

უცხოეთიდან ( კანადა, ჰოლანდია, საფრანგეთი, ავსტრია ) საგანგებოდ მოწვეული სპეციალისტები (მასტერ-კონდიტერები) გვიზიარებენ თავიანთ გამოცდილებას, ატარებენ კვალიფიკაციის ასამაღლებელ ტრენინგებს და ტესტირებებს.